غذائیت:زیادہ نمک
بچّوں میں موٹاپے کا باعث بن سکتا ہے
آج کل بچّوں کے کھانے میں بہت سی چیزیں دستیاب ہیں۔کیونکہ
بچّوں کی پسند بھی روز بہ روز بدل رہی ہے۔چٹ پٹے اور نمک مرچ سے لیس کھانے اب بچّے
بہت شوق سے کھاتے ہیں۔ مگر یہ چٹ پٹے اور نمک سے بھرے کھانے بچّوں کی صحت کے لئے
بُرے اثرات رکھ سکتے ہیں۔
بچّوں کو کھانے میں نمک دینا ان میں موٹاپے کا باعث بن سکتا ہے۔نمک سوڈیم اور کلورائیڈ سے مل کر بنتا ہے۔یہ سوڈیم
کی زیادتی ہے جو جسم میں موٹاپے کا باعث بنتی ہے۔ نمک یعنی سوڈیم زیادہ
کھانے سے بہت سے طریقوں سے موٹاپا ہو سکتا ہے۔ ان میں سے سب سے اہم وجہ پیاس کا
زیادہ لگنا ہے، جسم میں زیادہ سوڈیم کی مقدار
آپ کے دماغ کو پانی کی کمی کی
نشاندہی کرتا ہے۔ اور اس کے نتیجے میں بچّے زیادہ میٹھے اور ٹھنڈے مشروبات کی
فرمائش کرتے ہیں۔ یہ ٹھنڈے اور میٹھے مشروبات عام طور پر فوری مو ٹاپے کا با عث
بنتے ہیں۔کچھ غذائی ماہرین اسے عارضی مو ٹاپا اور پھر مستقل موٹاپا کہتے ہیں۔عارضی
موٹاپا جو پانی کے بہت زیادہ استعمال سے جسم کے پھولنے کی وجہ سے ہوتا ہے اور
مستقل موٹاپا جو ان مشروبات میں موجود چینی کا نتیجہ ہوتا ہے۔
سوڈیم جسم میں ہونے والے کیمیائی اعمال مین ایک اہم جُز ہے۔
پوٹاشئم ، کیلشئم اور آئیو ڈین کے ساتھ مل کر ایک مخصوص تناسب میں یہ جسم میں ہونے
والے کئی کیمیائی اعمال کو جاری رکھتا
ہے۔اگر جسم میں بہت زیادہ سوڈیم ہو جائے
تو عناصر کا یہ تناسب خراب ہو جاتا ہے اور
کیمیائی عمل اتنی تیزی سے جاری نہیں رہ پاتا۔ جب کیمیائی عمل نہیں ہوتا تو چربی
پگھلنے میں دُشواری ہوتی ہے۔ اور چربی جمع ہونے سے جسم موٹا پے کا شکار ہو جاتے
ہیں۔
جب جسم میں سوڈیم کی مقدار بڑھ جاتی ہے تو جو
نمک سے موٹاپے کا با عث بنتی ہے وہ یوں مانی جاتی ہے کہ نمک عام کھانے کے ذائقے کہ کئی گُنا بڑھا دیتا ہے۔
اگر بچّے کو بچپن میں ہی زیادہ نمک والے کھانے کی عادت ڈال دی جائے تو یہ عادت
ساری زندگی چلتی ہے، بچّے میں کھانے سے رغبت بڑھتی ہے جو ساری زندگی اس کے کھانے
کے رُجحان کو بڑھا دیتی ہے۔
سوڈیم کی مقدار کچھ کھانوں میں زیادہ ہوتی ہے، مثلاً فرینچ
فرئیز، نوڈلز، چپس،پیزا، ڈرم سٹکس، چیز بالز ایسے کھانے ہیں۔ لہٰذا ایسے کھانوں پر
اپنے بچّے کو روکنا اور بچّوں کو نمک کم کھانے کی عادت ڈالنا ایک بہترین ترکیب ہے۔
0 comments:
Post a Comment