Pork - Urdu

16:40 |

پورک(سؤر کا گوشت)
تجارتی سطح پر ، سؤر کے گوشت کو پورک کہا جاتا ہے۔یہ کئی قسم کے کھانے بنانےمیں عموماً استعمال ہوتا ہے۔ پورک دیکھنے میں گلابی سے سُرخی مائل ہوتا ہےاور پک کر سفید ہو جاتا ہے۔پورک کو دوسرا سفید گوشت(دی اَدر وائیٹ میٹ)بھی کہا جاتا ہے۔

سؤر کا گوشت زیادہ تر مغربی اور شمال مغربی ایشیا ، امریکہ اوریورپی ممالک میں کھایا جاتا ہے۔اس کے لئے خاص سؤر کی فارمنگ کی جاتی ہے۔ سب سے بڑے فارمز چائنہ میں پائے جاتے ہیں،چائنہ پورک درآمد کرنے میں سب سے آگے ہے،جبکہ امریکہ، یورپین یونین، اور کینیڈا بھی بڑی درآمد کرتے ہیں۔

"پورک لوئن" سؤر کی کمرکا اوپر کا حصّہ بہترین گوشت مانا جاتا ہے۔ پورک کو تازہ بھی کھایا جاتا ہے اور محفوظ کر کے بھی رکّھا جاتا ہے۔پورک کوکیورنگ کے ذریعے محفوظ کیا جاتا ہےجس میں نمک ، سرکہ اور مصالحوں کی مدد سے اسے دیر تک محفوظ کر کے استعمال کیا جا سکتا ہے۔

پورک کئی طرح سےکھانے میں استعمال ہوتا ہے۔"بیکن" پورک کو ھلکا نمک لگا کر سُکھا کر بنتا ہے،"ہَیم" پورک کو سینکھ کر بنایا جاتا ہے،"سوسیج"پورک کے قیمے کو کھال میں بھر کر بنایا جاتا ہے،"پورک چاپس"لمبائی کے رُخ میں کٹے ہوئےگوشت کو بھون کر بنتا ہے۔یہ نمایاں کھانے ہیں ۔ ان کے علاوہ بھی پورک بہت سی چیزوں میں استعمال ہوتا ہے۔
غذائیت کے لحاظ سے100 گرام سؤر کے گوشت میں:
چربی(فیٹ) 9 گرام

کولسٹرول 65 ملی گرام

سوڈیم 744 ملی گرام

پوٹاشئم 384 ملی گرام

کاربوہائیڈریٹ0.2گرام

پروٹین22 گرام

اس کے علاوہ کیلشئم ، وٹامن اورمنرلز ہوتے ہیں۔

پورک کو پوری طرح پکانا بہت ضروری ہو جاتا ہے، اگر ایسا نہ کیا جائے تو پورک کا استعمال ٹرائیکائی نوسس نامی بیماری کا سبب بن سکتا ہے۔

پورک کھانا کچھ مذاہب میں سختی سے منع ہےجس میں اسلام،یہودی اور عیسائی مذہب کے کچھ حصّے شامل ہیں۔یہی وجہ ہے کہ ان مذاہب کے ملکوں میں پورک بیچنا حرام ہے۔جبکہ سب سے زیادہ شوق سے پورک یورپی ممالک میں پایا جاتا ہے۔

پورک کسی اور گوشت کا بہتر نعم البدل ہے۔ اس میں نسبتاً کم چربی ہوتی ہے اور یہ کھانے میں ایک منفرد ذائقہ رکھتا ہے۔